کتاب باڵ هەورەگان

هەر وەتی چیدو وەتم نیەیلم بچی، باوانەگەم

ئاخرێ چیدو خەوەیلم هاتە دی، باوانەگەم

دادو بێدادم لە شووند ڕەنگ وە ڕۊ دنیا نەمەن

عاڵەمێ وێرانە کردی، مەیلە جی باوانەگەم

ڕووحِ م سزیاێە نیەۊنی لە شەماڵەێ ئاگرد

تا شەماڵێ بەێدە لیم شکیامە دی باوانەگەم

دەردِ دڵ ئۊشن هزارەو، مەڵهەمێ ئۊشن یەکێ

بۊش خوو دەرمانِ دەردم ها وە کی، باوانەگەم

جەور تەنیائی وە یەێ لا ماڵو میند بوودە کوو

بێ کەسی نەیدەو نیەزانی تا نەچی، باوانەگەم

دووسەگەێ مەنزڵ وە خەێرم، خۊنە ئرمێسم ئەڕاد

نەشکنی عەهدو قەرارد، نەشکنی  باوانەگەم