نارنجیەگان لە لەشما دانه سه ده یشت “فه رزاد سه فه ره”

  از متن کتاب نارنجیەگان لە لەشما دانه سه ده یشت سروده‌ی فه رزاد سه فه ره:

خاتوون تەم

هۊرد کەمە وەر کار و بارم

هۊرد کەم / یا فرە

             شکانێیە گشت بایەخەیل

ژیانم ئاسایی بەنە وە تۆ

خاتوونەگەێ شێعر و مهرەبانی

تۆ گشت دار هەنارەگان شیر دایدە و

           داڵگ هەرچی پەپۊلەید

تۆ سەرچاوەێ گشت چەمەیل و

           باڵید ئەڕاێ مەلەیل

 قەڵاگان،

         داوڵ وە داوڵ لە هەێواین بۊن

کەشتیەگان،

سەرگەردان کەنار و

تو لە تەما خوەد شاردۊدەو

چ شیرینە ئێ تەمە

                هەناێ دریژەێ هێلانەس و

                        کەنار

ناوەڕووکەگان لە دەور ژیانا

کاولی ئاسا سەما کەن و

       زەیتوونی خوەێان دەرخەن

هەناێ تۆ

  لە ئەوپەڕ فانتزیاگانما

      خوەرئاسا هەڵاتی

 تو لە هۊرەوەریەیل هەڵاتنا هەر مینی

تو مینیدە چشتێگ جوور هەرمان

خاتوونەگەم

   تو هەر مینیدە خوەد